ابتدائی تخمینے کے مطابق 9 مئی کے واقعے میں 600 کروڑ روپے کا نقصان ہوا ہے: محسن نقوی

لاہور: نگراں وزیر اعلیٰ پنجاب اور چیف الیکشن کمشنر کی زیر صدارت اجلاس ہوا، اجلاس میں 9 مئی کے واقعات کی شدید مذمت کی گئی۔

اجلاس میں چیف الیکشن کمشنر کو سیاسی جماعت کے واقعات میں ملوث ہونے کی تصاویر، ویڈیوز اور پیغامات کے ثبوت پیش کیے گئے۔

نگراں وزیر اعلیٰ پنجاب محسن نقوی کا کہنا تھا کہ 9 مئی کو ایک سیاسی جماعت نے پوری قوم کو شرمسار کیا، عسکری تنصیبات پر حملے منصوبہ بندی کے تحت کیے گئے، حملہ آوروں اور سیاسی لیڈر شپ کے درمیان رابطوں کے ثبوت سامنے آئے، سیاست کی آڑ میں گھناؤنا کھیل کھیلا گیا۔

یہ بھی پڑھیں: نوٹس میں لگائے گئے الزامات بے بنیاد اور من گھڑت ہیں عمران خان کا نیب کو جواب

محسن نقوی کا کہنا تھا کہ ابتدائی تخمینے کے مطابق 600 کروڑ روپے کا نقصان ہوا ہے۔

اس کے علاوہ چیف الیکشن کمشنر کا کہنا تھا کہ نگراں پنجاب حکومت نے عوام کے تحفظ کیلئے بہترین اقدامات کیے، نگراں پنجاب حکومت اپنے فرائض ایمانداری سے ادا کررہی ہے، عام انتخابات کیلئے سیکیورٹی اقدامات کا دوبارہ جائزہ لیں گے۔