عبدالستار ایدھی دکھی انسانوں کا سہارا تھے: بلاول بھٹو زرداری

کراچی : چیئرمین پیپلزپارٹی بلاول بھٹو نے انسانوں سے محبت کرنے والے عبدالستار ایدھی کو خراج عقیدت پیش کرتے ہوئے کہا کہ عبدالستار ایدھی دکھی انسانوں کا سہارا تھے۔

بلاول بھٹو زرداری نے سماجی رابطے کی ویب سائیٹ ٹوئٹر پر کہا کہ آج عبدالستار ایدھی کو خراج عقیدت پیش کرنے کا دن ہے۔

ایدھی جیسا عظیم انسان پاکستان سمیت دنیا بھر کے دکھی انسانوں کا سہارا تھا۔ عبدالستار نے رنگ و نسل اور مذہب کے امتیاز سے بالا تر ہو کر انسانیت کی خدمت کی۔