حکومت نے 200 یونٹ بجلی استعمال کرنے والوں کیلئے اچھی خبر سنادی

ذرائع کا کہنا ہے کہ 50 یونٹ ماہانہ والے لائف لائن صارفین کے لیے فی یونٹ ٹیرف 3 روپے 95 پیسے اور لائف لائن صارفین کے لیے 51 سے 100 یونٹ ماہانہ ٹیرف 7 روپے 74 پیسے رہے گا۔

رواں ماہ کے اوائل میں حکومت نے مہنگائی کے ستائے عوام کا جینا مزید مشکل کر دیا تھا اور بین الاقوامی مالیاتی فنڈ (آئی ایم ایف) کو خوش کرنے کے لیے بجلی مزید مہنگی کر دی تھی۔

نیپرا نے مالی سال 2024-25 کے لیے بجلی کے بنیادی ٹیرف میں اضافے کا فیصلہ کیا تھا اور یکم جولائی 2024 سے بجلی کے نرخوں میں اضافے کا اطلاق کرنے کا فیصلہ کیا تھا۔

ذرائع کا مزید کہنا ہے کہ اتھارٹی نے بجلی کا اوسط بنیادی ٹیرف 29 روپے 78 پیسے سے بڑھا کر 35 روپے 50 پیسے فی یونٹ کرنے کی منظوری دے دی ہے جبکہ وفاقی کابینہ کا فیصلہ یکساں ٹیرف کے لیے نیپرا کو بھیج دیا گیا ہے۔

ذرائع کے مطابق بجلی کی قیمت میں 3 روپے 32 پیسے فی یونٹ اضافہ کیا گیا ہے جس کا اطلاق رواں ماہ سے ہوگا، نیشنل الیکٹرک پاور ریگولیٹری اتھارٹی (نیپرا) کی جانب سے اس حوالے سے باضابطہ نوٹیفکیشن بھی جاری کردیا گیا ہے۔

پاور ریگولیٹر نے وفاقی حکومت کو بجلی کے بنیادی ٹیرف میں 5 روپے 72 پیسے فی یونٹ اضافے کی سمری ارسال کی تھی۔