لڑ کر جوتے پہننے کی اجازت لوں گا، عثمان خواجہ فلسطینیوں کے حق میں ڈٹ گئے

آسٹریلوی کرکڑ عثمان خواجہ نے معصوم فلسطینیوں کے حق میں کہا کہ لڑ کر جوتے پہننے کی اجازت لوں گا۔

عثمان خواجہ نے سوشل میڈیا پر اپنے ایک ویڈیو بیان میں کہا کہ آئی سی سی نے مجھے کہا ہے آپ وہ جوتے نہیں پہن سکتے، آپ کے جوتوں پر سیاسی تحریر درج ہے۔

کرکٹر نے کہا کہ مجھے نہیں لگتا یہ سیاسی ہے یہ ایک انسانی اپیل ہے، آٸی سی سی قوانین کی عزت کرتا ہوں لیکن میں لڑوں گا۔

ان کا کہنا تھا کہ میں زیادہ بات نہیں کروں گا جو لوگ میرے عمل سے ناراض ہوٸے ان سے سوال ہے، کیا آزادی سب کے لیے نہیں ہے؟، کیا تمام جانیں برابر نہیں ہیں؟، مجھے فرق نہیں پڑتا آپ کس مذہب سے تعالق رکھتے ہیں۔

All Lives are Equal. Freedom is a Human right. I’m raising my voice for human rights. For a humanitarian appeal. If you see it any other way. That’s on you… pic.twitter.com/8eaPnBfUEb

— Usman Khawaja (@Uz_Khawaja) December 13, 2023

عثمان خواجہ نے مزید کہا کہ میرے لیے ایک مسلمان ایک یہودی اور ایک ہندو سب کی جانیں برابر ہیں، میں کسی کی طرف نہیں ہوں میرے لیے انسانی جانیں برابر ہیں، میں ان کی آواز بن رہا ہوں جو خود نہیں بول سکتے۔

یہ بھی پڑھیں: جوتوں پر فلسطین کے حق میں نعرے: کرکٹ آسٹریلیا کا عثمان خواجہ کے حوالے سے بیان سامنے آگیا

آسٹریلوی کرکٹر نے کہا کہ جب میں ہزاروں معصوم بچوں کو مرتا دیکھتا ہوں تو مجھے اپنے بچے نظر آتے ہیں، اگر میرے بچوں کے ساتھ ایسا ہوتا، کوٸی اپنی مرضی سے ایسی جگہ پیدا نہیں ہوتا، پوری دنیا نے ان لوگوں سے منہ موڑ لیا ہے۔

خیال رہے کہ گزشتہ روز عثمان خواجہ نے ٹریننگ کے دوران جو جوتے پہن کر ٹریننگ کی تھی ان میں فلسطین کی حمایت میں نعرے درج تھے۔