مقبول خبریں
بجلی چوروں کے خلاف آپریشن : 7روز میں بجلی چوروں سے 6 ارب وصول
اسلام آباد: سیکرٹری پاور راشد لنگڑیال نے کہا ہےکہ بجلی چوری کے خلاف آپریشن کے دوران 7 روز میں 6 ارب روپے وصول کیے گئے ہیں۔
سیکرٹری توانائی راشد لنگڑیال نے کہا کہ بجلی چوروں کےخلاف مہم زوروں سے جاری ہے جس دوران آخری 7 دن میں بجلی چوروں سے 6 ارب روپے وصول کیے گئے ہیں جب کہ 1500بجلی چوروں کو گرفتار کیا گیا ہے۔
سیکرٹری توانائی نے بتایا کہ بجلی چوری کلچر ختم کیے بغیرآرام سے نہیں بیٹھیں گے کیونکہ جرم کرنے والوں کی سزا بل اداکرنے والوں کو دینے کی اجازت نہیں دے سکتے۔
Anti-Power Theft Update:
Touched six billion recovery of which five billion in last 7 days.
1500 arrested till now across the country.
No respite till this sub-culture of theft is reversed. Good citizens cannot be allowed to be punished for the sins of the delinquents. pic.twitter.com/61aKowvjJK
— Rashid Langrial (@Rashidlangrial) September 21, 2023
راشد لنگڑیال نے مزید بتایا کہ لیسکو نے بجلی چوروں سے ایک ارب 45 کروڑ 80 لاکھ روپے سے زائد ریکور کرکے 4 ہزار 928 ایف آئی آرز کا اندراج کیا ہےجب کہ لیسکو ریجن سے اب تک 406 بجلی چوروں کو گرفتار کیا گیا ہے، اس کے علاوہ حیسکو نے بجلی چوروں سے ایک ارب 21 کروڑ 40 لاکھ روپے ریکور کیے، اس دوران 310 ایف آئی آرز درج کرکے 31 افراد کو گرفتار کیا گیا ہے۔
سیکرٹری توانائی کے مطابق میپکو میں 80 کروڑ 50 لاکھ روپے کی ریکوری کی گئی، میپکو میں 3ہزار 497 ایف آئی آرز اور 249 گرفتاریاں ہوئیں جب کہ سیپکو میں اب تک 70 کروڑ روپے سے زائد کی ریکوری کی گئی ہے اور 325 ایف آئی آرز کا اندراج کرکے 234 گرفتاریاں کی گئی ہیں۔
یہ پڑھیں : بجلی کی قیمتوں کو بڑھنے سے روکنے کیلئے بجلی چوری کو روکنا ہوگا:چیئرمین نیپرا