پیٹرولیم مصنوعات پر 50روپے فی لیٹر لیوی عائد کرنے کی ترمیم منظور

اسلام آباد: پیٹرولیم مصنوعات پر 50روپے فی لیٹر لیوی عائد کرنے کی ترمیم منظور کرلی گئی۔

وزیر مملکت عائشہ غوث پاشا نے آئندہ مالی سال میں مرحلہ وار بنیادوں پر پیٹرولیم لیوی ٹیکس میں 50 روپے اضافے کی ایوان سے منظوری مانگ لی ہے۔

وفاقی وزیر خزانہ مفتاح اسماعیل کا اپنے ایک بیان میں کہنا تھا کہ 50 روپے فی لیٹر لیوی یکمشت عائد نہیں کی جائے گی، پیٹرولیم مصنوعات پر اس وقت لیوی صفر ہے۔

یہ بھی پڑھیں: آئی ایم ایف کا پیٹرولیم مصنوعات پر 50 روپے فی لیٹر لیوی عائد کرنے کا مطالبہ

مفتاح اسماعیل کا کہنا تھا کہ حکومت نے لیوی لگانے کی منظوری حاصل کی ہے۔

ان کا کہنا تھا کہ پیٹرولیم مصنوعات پر لیوی لگانے کا اختیار قومی اسمبلی نے حکومت کو دے رکھا ہے، ابھی 50 روپے لیوی لگانے کا کوئی ارادہ نہیں ہے۔