مقبول خبریں
شوکت ترین وزیراعظم کے مشیر مقرر، خیبر پختونخوا سے سینیٹر بنانے کا فیصلہ
اسلام آباد : شوکت ترین کو وزیراعظم کا مشیر مقرر کردیا گیا، خیبر پختونخوا سے سینیٹر بنایا جائے گا۔
پاکستان کے خزانے کی ذمہ داری سنبھالنے والے شوکت ترین کو وزیراعظم کا مشیر مقرر کردیا گیا، جس کا نوٹیفکیشن بھی جاری کردیا گیا۔ شوکت ترین کا عہدہ وفاقی وزیر کے برابر ہوگا۔
دوسری طرف وفاقی حکومت نے مشیر خزانہ شوکت ترین کو خبیر پختونخوا سے سینیٹر بنانے کا فیصلہ کرلیا ہے، تاہم ان کے لئے مستعفی کون ہوگا؟ اس متعلق فیصلہ نہ ہوسکا ہے۔
یہ بھی پڑھیں : خیبر پختونخوا میں مزید 107 افراد ڈینگی سے متاثر
وزیر خزانہ شوکت ترین کو جنرل نشست پر سنیٹر بنایا جائے گا، حکومت نے 2024 کو ریٹائرڈ ہونے والے سنیٹرز سے استعفیٰ لینے پر غور شروع کردیا ہے۔
سینیٹر فیصل جاوید، سینیٹر فدا محمد اور ایوب آفریدی کی مدت 2024ء میں ختم ہورہی ہے، وفاقی حکومت نے سینیٹر فیصل جاوید سے استعفیٰ لیکر معاون خصوصی بنانے پر بھی غور شروع کردیا ہے۔