پی آئی اے کا انسٹرکٹر ہراساں کرنے کے الزام میں معطل

کراچی : پی آئی اے کے انسٹرکٹر کو ہراساں کرنے کے الزام میں معطل کردیا گیا ہے۔

پاکستان انٹرنیشنل ایئرلائن ٹریننگ سینٹر کے انسٹرکٹر کے ٹرینی اپرنٹس کو ہراساں کئے جانے کے معاملے کی ابتدائی تحقیقاتی کمیٹی کی سفارشات پر انسٹرکٹر آغا وسیم کو ملازمت سے معطل اور شوکاز نوٹس جاری کردیا ہے۔

معطلی ایئر لائن کی ڈسپلنری پالیسی 2019، شوکاز اییمپلائز ڈسپلنری پروسیجر 2019 کے تحت جاری کیا گیا ہے۔ شوکاز نوٹس میں متعلقہ پروسیجر کی چار شقوں پر مبنی چارجز کے جواب طلب کئے گئے ہیں۔

یہ بھی پڑھیں : پی آئی اے کے ڈاکٹر کے چیف فلائٹ سرجن بن کر چینی سفیر کو مراسلے، انکوائری کا آغاز

چارجز میں ذاتی مفادات کے لئے اثرورسوخ کا استعمال، دھمکانا، قوانین کو توڑنا، ایئر لائن کی ساکھ کو متاثر کرنا شامل ہے۔

آغا مسعود کو 7 یوم میں جواب دینے کی ہدایت کی گئی ہے، بصورت دیگر مس کنڈکٹ کی کارروائی کی جائے گی۔

متاثرہ ٹرینی اپرنٹس اہل خانہ کے ساتھ بیرون ملک مقیم ہے، امتحان دینے کی غرض سے آیا تھا۔ مبینہ تعلقات کے لئے انسٹرکٹر کی جانب سے اپرنٹس سے گفتگو پر مبنی مبینہ آڈیو ٹیپ سے معاملے کا انکشاف ہوا۔