اب واٹس ایپ پر آپ اپنا ‘ڈیلیٹڈ’ میسج پڑھ سکیں گے، مگر کیسے؟

واٹس ایپ نے غلطی سے ڈیلیٹ کیے گئے اپنے میسج کو واپس لانے کا فیچر متعارف کرائے جانے کی تصدیق کردی۔

واٹس ایپ کی جانب سے باضابطہ اعلان کیا گیا ہے کہ یہ زبردست فیچر ڈیسک ٹاپ ، اینڈرائیڈ اور آئی فون صارفین کے لیے پیش کردیا گیا ہے۔

اکثر ایسا ہوتا ہے کہ صارفین جلد بازی میں چیٹ کے دوران کسی پیغام کو ڈیلیٹ فار ایوری ون کی بجائے ڈیلیٹ فار می کردیتے ہیں جس سے پیغام ہمیشہ کے لیے حذف ہوجاتا ہے اور جس کو میسج غلطی سے گیا ہوتا ہے وہ پڑھ لیتا ہے۔

مگر نئے فیچر سے صارفین کو اس پریشانی کا سامنا نہیں ہوگا کیونکہ اب جب آپ کسی میسج کو غلطی سے ڈیلیٹ فار می کریں گے تو اسے دوبارہ اپنی اسکرین پر بھی واپس لاسکتے ہیں۔

یہ بھی پڑھیں: واٹس ایپ نے نیا کال لنک فیچر متعارف کروا دیا

میسج ‘ڈیلیٹ فار می’ کرتے ہی آپ کی نظروں کے سامنے ان ڈو (undo) کا آپشن آئے گا، ان ڈو پر کلک کرنے پر ڈیلیٹ میسج واپس اسکرین پر نمودار ہوجائے گا۔

"Delete for Me” 🤦🤦🤦

We’ve all been there, but now you can UNDO when you accidentally delete a message for you that you meant to delete for everyone! pic.twitter.com/wWgJ3JRc2r

— WhatsApp (@WhatsApp) December 19, 2022

لیکن یہ یاد رکھیں کہ آپ کے پاس ڈیلیٹ میسج ان ڈو کرنے کے لیے بس چند سیکنڈ یعنی تین سے چار سیکنڈ ہوں گے اور اس کے بعد یہ آپشن غائب ہوجائے گا۔