ورلڈکپ: بھارت نے پاکستان کو باآسانی 7 وکٹوں سے ہرادیا

احمد آباد: آئی سی سی کرکٹ ورلڈ کپ کے سب سے بڑے ٹاکرے میں بھارت نے پاکستان کو 7 وکٹوں سے ہرادیا۔

احمد آباد کے نریندر مودی کرکٹ اسٹیڈیم میں کھیلے گئے میچ میں بھارت نے ٹاس جیت کر پہلے بولنگ کا فیصلہ کیا۔

بھارت کے خلاف پاکستان کی بیٹنگ لائن ریت کی دیوار ثابت ہوئی اور پوری پاکستانی ٹیم 42 اعشاریہ 5 اوور میں 191 رن پر ڈھیر ہوگئی۔

جواب میں بھارت نے 192 رن کا ہدف 30 اعشاریہ 3 اوور میں 3 وکٹوں کے نقصان پر پورا کرلیا۔

پاکستان کو پہلا نقصان عبداللہ شفیق کی صورت میں اٹھانا پڑا، عبداللہ 20 رن بناکر محمد سراج کا شکار ہوئے، امام الحق کو 36 رن پر ہاردک پانڈیا نے آؤٹ کیا۔

30 ویں اوور میں 155 کے مجموعی اسکور پر بابر اعظم 50 رن پر سراج کی گیند پر بولڈ ہوگئے، بابر کے آؤٹ ہونے کے بعد پاکستانی وکٹیں پتوں کی طرح بکھرتی چلی گئیں اور بقیہ بلے باز مجموعی اسکور میں صرف 36 رن کا اضافہ کرسکے۔

A first innings story 📖

Follow the action 📲 https://t.co/OygbV0raRD#CWC23 #INDvPAK pic.twitter.com/OxeTFmszXW

— ICC (@ICC) October 14, 2023

سعود شکیل بھی 6 رن کے مہمان ثابت ہوئے جب کہ افتخار احمد 4 رن بنا کر کلدیپ کی گیند پر بولڈ ہوئے۔

168 کے مجموعی اسکور پر محمد رضوان بھی 69 گیندوں پر 49 رن بنا کر جسپریت بمراہ کی گیند پر کلین بولڈ ہوئے۔

171 کے مجموعے پر شاداب خان صرف 2 رن بنا کر چلتے بنے، محمد نواز بھی صرف 4 رن بناسکے، حسن علی بھی 12 رن پر پویلین لوٹ گئے، ان کے بعد حارث بھی 2 رن پر چلتے بنے۔

یہ بھی پڑھیں: پاک بھارت ٹاکرا: احمدآباد شہر ’ نو ڈرون زون‘ قرار

بھارت کی جانب سے جسپریت بمراہ، محمد سراج، ہاردک پانڈیا، کلدیپ یادیو اور رویندرا جدیجا نے 2،2 وکٹیں حاصل کیں۔

192 رن کا ہدف بھارت نے 3 وکٹوں کے نقصان پر 30.3 اوور میں حاصل کرلیا۔

Tough day at the office as India clinch the win today.

We head to Bengaluru for our next #CWC23 match against Australia.#INDvPAK | #DattKePakistani pic.twitter.com/ZLyNqKa2p1

— Pakistan Cricket (@TheRealPCB) October 14, 2023

بھارتی کپتان روہت شرما نے 63 گیندوں پر 6 چھکوں اور 6 چوکوں کی مدد سے 86 رن کی اننگز کھیلی۔

شریاس ایئر 53 رن اور کے ایل راہول 19 رنز کے ساتھ ناٹ آؤٹ رہے، شریاس ائیرکی اننگ میں 2 چھکے اور 3 چوکے شامل تھے۔ شبمن گل اور ویرات کوہلی 16 ، 16 رن بناسکے۔

پاکستان کی جانب سے شاہین آفریدی نے 2 اور حسن علی نے ایک وکٹ حاصل کی۔

بھارت کے جسپریت بمراہ کو پلیئر آف دی میچ قرار دیا گیا، انہوں نے7 اوور میں 19 رن دے کر 2 وکٹیں حاصل کیں۔