مقبول خبریں
میسی کو سعودی فٹبال کلب سے کھیلنے کیلئے 400 ملین یورو کی پیشکش
فٹبال ورلڈکپ میں ارجنٹینا کے فاتح کپتان لیونل میسی کو سعودی کلب سے کھیلنے کی پیشکش ہوئی ہے۔
زرائع ابلاغ کے مطابق سعودی عرب کے الہلال فٹبال کلب نے لیونل میسی کو 400 ملین یورو سالانہ میں کھیلنے کی پیشکش کی۔
لیونل میسی کو سعودی کلب کی جانب سے پیشکش کا انکشاف فٹبال کے معروف اطالوی صحافی فبریزیو رومانو نے کیا،اطالوی صحافی کے مطابق لیونل میسی کو کلب کی جانب سے باضابطہ پیشکش کی جاچکی ہے۔
لیونل میسی کا فرانسیسی کلب پی ایس جی کو معاہدہ ختم ہونے پر چھوڑنے کا امکان ہے۔
لیونل میسی سعودی کلب کی پیشکش قبول کرتے ہیں تو وہ اپنے حریف کرسٹیانو رونالڈو کے ساتھ شامل ہو جائیں گے کیونکہ رونالڈو سعودی لیگ النصر کلب کی طرف سے کھیلتے ہیں۔
میڈیا رپورٹس کے مطابق میسی نے یورپ کے ایک اور کلب سے کھیلنے میں دلچسپی ظاہر کی۔
واضح رہے کہ لیونل میسی نے 2021 میں پی ایس جی کے ساتھ 2 سال کا معاہدہ کیا تھا۔
یہ پڑھیں : رونالڈو سب سے زیادہ انٹرنیشنل میچ کھیلنے والے فٹبالر بن گئے