گلگت بلتستان انتخابات : جب جب الیکشن صاف اور شفاف ہو گا آپ ہاریں گے : شہباز گل

اسلام آباد : شہباز گل کا کہنا ہے کہ دوبارہ گنتی میں پی ٹی آئی امیدوار کامیاب ہوگئے، جب جب الیکشن صاف اور شفاف ہو گا آپ ہاریں گے۔

وزیر اعظم کے معاون خصوصی شہباز گل نے سماجی میڈیا پر اپنی ٹوئٹ میں کہا ہے کہ گلگت بلتستان دو میں دوبارہ گنتی میں پی ٹی آئی کے فتح اللہ خان 96 ووٹوں سے کامیاب ہوگئے۔

یہ بھی پڑھیں : جعلی حکومت کو لانے والے ہی ناکامی کے ذمہ دار ہیں، گلگت کی مبارکباد سلیکٹر کو دیتے ہیں : مریم نواز

انہوں نے کہا کہ پہلے یہ لیڈ 2 ووٹوں کی تھی۔ دوبارہ گنتی پرچی چئیرمین بلاول زرداری کے احتجاج کے بعد ہوئی۔ عمران خان کا اور آپ کا فرق ہی یہ ہے کہ آپ جتنی بار کہو گے حلقے کھلیں گے اور جب جب الیکشن صاف اور شفاف ہو گا آپ ہاریں گے۔