آج چیئرمین پی ٹی آئی عمران خان اہم اعلان کریں گے: اسد عمر

روات: اسد عمر کا کہنا ہے کہ آپ لوگوں کے لیے خوشخبری لے کر آ رہا ہوں، آج چیئرمین پی ٹی آئی عمران خان اہم اعلان کریں گے۔

رہنما پی ٹی آئی اسد عمر کا آزادی مارچ کے شرکا سے خطاب کرتے ہوئے کہنا تھا کہ لانگ مارچ لیکر پنجاب کے مختلف شہروں سے ہو کر آیا ہوں، یہ سمجھتے تھے کہ پیسہ خرچ کریں تو عمران خان گھر چلا جائے گا۔

اسد عمر کا کہنا تھا کہ 10 اپریل کو لاکھوں لوگ عمران خان کے حق میں باہر نکلے، آپ لوگوں کے لیے خوشخبری لے کر آ رہا ہوں، آج چیئرمین پی ٹی آئی عمران خان اہم اعلان کریں گے۔

یہ بھی پڑھیں: عمران خان آج عوام کو راولپنڈی پہنچنے کی کال دیں گے: فواد چودھری

ان کا کہنا تھا کہ یہ سفر سازش کی وجہ سے شروع ہوا، ضمیروں کی منڈی لگی، پیسہ چلا کر عوام کا لیڈر نکالا جائے گا تو قوم خاموش نہیں بیٹھے گی۔