مقبول خبریں
ورلڈکپ اسکواڈ میں شامل افغان بولر کا اچانک ریٹائرمنٹ کا اعلان، مداح حیران
zohaib khan
28 ستمبر, 2023 14:56
ورلڈکپ 2023 کے لیے افغان ٹیم میں شامل نوجوان فاسٹ بولر نے اچانک ایک روزہ کرکٹ سے ریٹائرمنٹ کا اعلان کر دیا۔
دو سال سے بھی زائد عرصے بعد کم بیک کر کے ون ڈے ٹیم میں جگہ بنانے والے 24 سالہ افغان فاسٹ بولر نوین الحق نے ورلڈکپ کے بعد ایک روزہ کرکٹ سے ریٹائرمنٹ کا اعلان کر کے سب کو حیرت میں ڈال دیا۔
سوشل میڈیا پر جاری بیان میں نوین الحق نے لکھا کہ اپنے ملک کی نمائندگی کرنا بہت ہی فخر کی بات ہے لیکن میں ورلڈکپ کے بعد ون ڈے کرکٹ سے ریٹائر ہو جاؤں گا تاہم ٹی ٹوئنٹی کرکٹ کے لیے اپنی ٹیم کو دستیاب رہوں گا۔
View this post on Instagram
انہوں نے مزید لکھا کہ یہ بہت ہی مشکل فیصلہ ہے لیکن اپنے کیرئیر کو طویل کرنے کے لیے یہ مشکل فیصلہ کرنا پڑا، افغان کرکٹ بورڈ اور تمام چاہنے والوں کا سپورٹ کرنے کے لیے بہت شکریہ۔
متعلقہ خبریں
