اسرائیل پر اب تک کا سب سے بڑا راکٹ فائر

انٹرنیشل نیوز ایجنسی کی خبر کے مطابق تل ابیب اور وسطی اسرائیل پر سات اکتوبر کو جنگ کے آغاز کے بعد سے اب تک کا سب سے بڑا راکٹ داغا گیا ہے۔

غزہ کی پٹی سے تل ابیب اور وسطی اسرائیل کے شہروں کی ایک بار پھر راکٹوں کی بوچھاڑ کی گئی ہے، اسرائیلی فوج کے مطابق پیر کی شام تل ابیب اور اسرائیل کے وسطی علاقے میں میزائل وارننگ سائرن بجنا شروع ہوگئے ہیں۔

غزہ کی پٹی سے برسائے گئے اس بڑے راکٹ کے حوالے سے مزید تفصیلات واضح نہیں ہوئی ہیں۔ القسام بریگیڈز نے کہا کہ اس نے شہریوں کے قتل عام کے جواب میں وسطی اسرائیل میں تل ابیب پر راکٹوں سے بمباری کی۔

"الأكبر منذ بدء الحرب".. رشقة صاروخية على #تل_أبيب في ظل القصف الإسرائيلي المتواصل على القطاع#غزة#العربية pic.twitter.com/ZtjbwArDwL

— العربية (@AlArabiya) November 20, 2023

اسرائیلی نشریاتی ادارے نے بتایا کہ ہسپانوی دارالحکومت میڈرڈ سے آنے والے ایک اسرائیلی مسافر طیارے کو آج غزہ کی پٹی سے سائرن بجنے اور راکٹ فائر کیے جانے کے بعد تل ابیب کے بن گوریون ایئرپورٹ پر لینڈنگ منسوخ کرنا پڑی ہے۔

حکام نے بتایا کہ اسرائیلی ایئر لائنز ’’ ایل آل‘‘ کا طیارہ لینڈ کرنے ہی والا تھا کہ اس نے پھر اڑان بھر لی۔

اسرائیلی براڈکاسٹنگ کارپوریشن کی رپورٹ کے مطابق پیر کو غزہ کی پٹی سے سدیروت کی طرف کئی گولے فائر کیے گئے جس کے بعد شہر اور آس پاس کے متعدد مقامات پر سائرن بجنے لگے۔ گولہ باری کے نتیجے میں اسرائیلیوں کا کوئی جانی نقصان نہیں ہوا۔