مقبول خبریں
سندھی ثقافت، تہذیب اتحاد، محبت اور انسانی احترام کی ثقافت ہے: شرجیل میمن
کراچی: وزیر اطلاعات سندھ شرجیل انعام میمن نے سندھ کے یوم ثقافت پر پیغام جاری کیا ہے۔
شرجیل میمن کا کہنا تھا کہ پاکستان اور سارے جہان کے انسانوں کو عظیم سندھ کی ثقافت کا دن مبارک ہو، سندھی ثقافت کا منایا جانا انسان دوست روایات کو آگے بڑھانے کا نام ہے۔
ان کا کہنا تھا کہ سندھ شاہ لطیف، سچل سرمست اور لعل شہباز قلندر کی دھرتی ہے، سندھی ثقافت، تہذیب اتحاد، محبت اور انسانی احترام کی ثقافت ہے۔
یہ بھی پڑھیں: چیئرمین پیپلز پارٹی بلاول بھٹو کا سندھ کے یوم ثقافت پر پیغام
انہوں نے کہا کہ ثقافت اپنی دھرتی سے جڑے رہنے کا نام ہے، پاکستان کی ثقافت مختلف ثقافتوں کا گلدستہ ہے، سندھی ثقافت اس میں نمایاں ہے۔