روس اب لوہانسک کے 80 فیصد علاقے پر قابض ہے : یوکرینی گورنر

یوکرینی سرکاری حکام کا کہنا ہے کہ روس نے لوہانسک کے 80 فیصد علاقے پر قبضہ کر لیا ہے۔

روس نے اپنی حمایت یافتہ علیحدگی پسندوں کے زیر کنٹرول علاقے ڈونباس پر مکمل قبضہ کی کوششیں مزید تیز کردیں ہیں۔

یوکرین کے مشرقی علاقے لوہانسک کے گورنر نے کہا ہے کہ روسی افواج اب خطے کے 80 فیصد حصے پر قابض ہیں، جو ڈونباس کے دو علاقوں میں سے ایک ہے۔

یہ بھی پڑھیں : روس کی ماریوپول پر قبضہ کیلئے سر توڑ کوششیں، سڑکوں پر لڑائی جاری ہے : یوکرینی حکام

ان کا کہنا تھا کہ کریمنا پر قبضہ کرنے کے بعد روسی اب روبیزنے اور پوپاسنا کے شہروں کو دھمکیاں دے رہے ہیں اور انہوں نے تمام رہائشیوں سے فوری طور پر انخلاء کی اپیل کی ہے۔