مقبول خبریں
شہر شہر احتجاج : نگراں وزیراعظم کا بجلی کے بھاری بلوں کا نوٹس، اجلاس طلب
اسلام آباد: نگراں وزیراعظم انوارالحق کاکڑ نے بجلی کے بھاری بلوں کے معاملے کا نوٹس لے لیا۔
واضح رہے بجلی کے بل زیادہ آنے کے خلاف ملک کے مختلف شہروں میں کئی روزسے احتجاجی مظاہرے جاری ہیں جو دن بہ دن پھیلتے جارہے ہیں۔
بجلی کے بھاری بِلوں کے معاملے پر میں نے کل وزیر اعظم ہاؤس میں ہنگامی اجلاس طلب کر لیا ہے۔ اجلاس میں وزارت بجلی اور تقسیم کار کمپنیوں سے بریفنگ لی جائے گی اور صارفین کو بجلی کے بِلوں کے حوالے سے زیادہ سے زیادہ ریلیف دینے کے حوالے سے مشاورت کی جائے گی۔
— Anwaar ul Haq Kakar (@anwaar_kakar) August 26, 2023
اب اس معاملے کا نگراں وزیراعظم انوار الحق کاکڑ نے نوٹس لے لیتے ہوئے ہنگامی اجلاس طلب کر لیا ہے۔
وزیراعظم آفس کے سوشل میڈیا اکاؤنٹس سے جاری بیان میں بتایا گیا ہے کہ نگراں وزیراعظم انوار الحق کاکڑ نے بجلی کے بھاری بِلوں کے معاملے پر کل وزیراعظم ہاؤس میں ہنگامی اجلاس طلب کر لیا ہے۔
یہ پڑھیں : نگراں وزیراعظم انوار الحق کاکڑ کا کفایت شعاری اپنانے کا فیصلہ