مقبول خبریں
مقرر کردہ کرائے سے زائد وصول کرنیوالے ٹرانسپورٹر کے خلاف کارروائی کا حکم
لاہور : وزیراعلیٰ پنجاب نے عید الاضحی کے موقع پر مقرر کردہ کرائے سے زائد وصول کرنیوالے ٹرانسپورٹر کے خلاف سخت کارروائی کا حکم دے دیا۔
وزیراعلیٰ عثمان بزدار نے محکمہ ٹرانسپورٹ کے حکام اور انتظامی افسران بس اڈووں پر جا کر خود چیکنگ کرنے کی ہدایت کرتے ہوئے کہا ہے کہ کمشنرز اور ڈپٹی کمشنرز مقرر کردہ کرائے سے زائد وصول کرنیوالے ٹرانسپورٹرزکے خلاف بلاامتیاز کارروائی کریں۔
یہ بھی پڑھیں : کراچی میں صفائی کا کام آؤٹ سورس، کچرے سے بجلی بنانے کا اعلان
انہوں نے کہا کہ اوورچارجنگ کے نام پر مسافروں کو لوٹنے کی اجازت نہیں دیں گے۔ چھوٹے بڑے شہروں میں محکمہ ٹرانسپورٹ کا عملہ کرایوں کی مسلسل مانیٹرنگ کرے۔
ان کا کہنا تھا کہ عید پر اپنے شہر جانے والے مسافروں سے مقررکردہ کرایہ سے زائد وصول کرنا کسی صورت قابل قبول نہیں۔ اوورچارجنگ کے ذمہ داروں کے خلاف قانون کے تحت کارروائی ہوگی۔