مقبول خبریں
نسیم شاہ پی ایس ایل تک مکمل طور پر فٹ ہوجائیں گے: وہاب ریاض
zohaib khan
07 دسمبر, 2023 14:03
لاہور: وہاب ریاض کا کہنا ہے کہ نسیم شاہ پی ایس ایل تک مکمل طور پر فٹ ہوجائیں گے، انکا ری ہیب پروگرام اچھا چل رہا ہے۔
ایک نجی تقریب میں شرکت کے بعد میڈیا سے گفتگو کرتے ہوئے چیف سلیکٹر وہاب ریاض نے کہا کہ نیشنل ٹی ٹوئنٹی کے ٹاپ پرفارمرز کو بلائیں گے، کیمپ میں ڈومیسٹک کے پرفارمرز اور ٹی ٹوئنٹی کے ممکنہ کھلاڑیوں کو بلایا جائے گا، امید ہے کہ 25 دسمبر تک نیوزی لینڈ کے خلاف سیریز کے لیے ٹیم کا اعلان کردیں گے۔
وہاب ریاض کا کہنا تھا کہ شان مسعود ڈومیسٹک کا بہترین پرفارمر ہے، اس کو پہلے مسلسل مواقع نہیں ملتے رہے۔
یہ بھی پڑھیں: پی ایس ایل9؛ نسیم شاہ کو کتنے کروڑ ملنے والے ہیں ؟
انہوں نے کہا کہ قومی فاسٹ بولر نسیم پی ایس ایل تک مکمل طور پر فٹ ہوجائیں گے، انکا ری ہیب پروگرام اچھا چل رہا ہے۔
چیف سلیکٹر نے ویمن کرکٹ ٹیم کو مبارکباد دیتے ہوئے کہا ٹیم نے بہت عمدہ کھیل پیش کیا۔
متعلقہ خبریں
