آئرش کرکٹر جگر کی خرابی کے باعث اسپتال منتقل، حالت تشویشناک

آئرلینڈ کے آل رانڈر سیمی سنگھ جگر کی شدید خرابی کے باعث تشویشناک حالت میں اسپتال منتقل کردیے گئے۔

کرکٹ آئرلینڈ کے چیف ایگزیکٹیو وارن ڈیو ٹروم نے تصدیق کی ہے کہ 37 سالہ آل رانڈر سیمی سنگھ جگر کی شدید خرابی کی وجہ سے اسپتال میں داخل ہیں اور انہیں فوری ٹرانسپلانٹ کی ضرورت ہے۔

انہوں نے کہا کہ مشکل کی اس گھڑی میں آئرلینڈ کرکٹ بورڈ سیمی سنگھ کیساتھ ہے اور نیک خواہشات کا اظہار کرتے ہیں۔

مزید پڑھیں: ٹی20 کے کم ترین اسکور کا ریکارڈ برابر، کوالیفائر مذاق بن گیا

بھاری نژاد آئرش کرکٹر علاج کی غرض سے بھارت کے شہر گڑگاؤں کے میڈانتا اسپتال میں ٹرانسپلانٹ کے منتظر ہیں اور ان کی اہلیہ اگم دیپ اپنے جگر کا کچھ حصہ شوہر کو عطیہ کریں گی۔

مزید پڑھیں: دنیا تم پر تھوکے گی! یووراج کے والد کی کپل دیو کو دھمکی، ویڈیو وائرل

کرکٹر کے سسر پرویندر سنگھ نے انڈین نیوز ایجنسی کو بتایا کہ ٹرانسپلانٹ بہت جلد ہونے کا امکان ہے، ڈاکٹرز نے مثبت اشارہ دیا ہے وہ جلد نارمل زندگی کی طرف لوٹ آئے گا۔

واضح رہے کہ سیمی سنگھ نے آئرلیند کی نمائندگی کرتے ہوئے 35 ون ڈے انٹرنیشنلز اور 53 ٹی20 مقابلے کھیلے ہیں جبکہ 2021 اور 2022 ٹی20 ورلڈکپ اسکواڈ کا بھی حصہ تھے۔