سابق وزیر اعظم عمران خان کی ٹوئٹر’ اسپیس‘ نےتاریخی ریکارڈبنا ڈالا

سابق وزیراعظم عمران خان وزارتِ عظمیٰ سے برطرفی کے بعد سے ہی عوامی رابطہ مہم میں مصروف ہیں، گزشتہ شب انہوں نے پی ٹی آئی کی جانب سے بنائی گئی ’ٹوئٹر اسپیس‘ میں لائیو شرکت کی۔

پی ٹی آئی کے سوشل میڈیا اکاؤنٹ پر بتایا گیا کہ عمران خان کی اسپیس میں شرکت کرنے والوں کی تعداد 1لاکھ 65 ہزار تک پہنچ گئی تھی جو ٹوئٹر کی اسپیس کی تاریخ میں ایک ریکارڈ ہے۔

Massive and record breaking response on today’s live session. First ever @TwitterSpaces experience with such huge nos, few areas of improvement noted for future ones. A max of 162k listeners at one time while 500k tuned in during the one hr session.#امپورٹڈ_حکومت_نامنظور pic.twitter.com/AZ1fJTnddz

— Dr Arslan Khalid (@arslankhalid_m) April 20, 2022

ٹوئٹر کی تاریخ میں اب تک عمران خان کی اسپیس میں ایک لاکھ 65 ہزار افراد نے شرکت کی، اس کے علاوہ دوسرا نمبر میوزک بینڈ ’کے پوپ‘ کا ہے۔

ارسلان خالد نے بتایا کہ کسی بھی اسپیس سیشن میں ایک وقت میں زیادہ سے زیادہ ایک لاکھ 62 ہزار سامعین کا ریکارڈ بن گیا۔

پی ٹی آئی کی جانب سے ٹوئٹر اسپیس کی میزبانی سابق فوکل پرسن ڈاکٹر ارسلان خالد اور سوشل میڈیا لیڈ جبران الیاس نے کی۔

پی ٹی آئی کے رہنما فیصل جاوید خان نے اپنے ٹوئٹ میں بتایا کہ عمران خان کے اسپیس سیشن نے اس فیچر کے لانچ ہونے کے بعد سے سب سے زیادہ سنی جانے والی اسپیس کا ریکارڈ قائم کیا۔

یہ بھی پڑھیں : مینار پاکستان جلسے میں سیکیورٹی خدشات ہیں، ڈپٹی کمشنر کا عمران خان کو خط