فیس بک اور معروف برینڈ رے بین نے اسمارٹ چشمے متعارف کرادیے

سماجی رابطوں کی مقبول ترین ایپ فیس بک اور چشموں کی معروف برینڈ رے بین نے اسمارٹ چشمے متعارف کرادیے۔

رے بین اسٹوریز نامی یہ اسمارٹ چشمے پہننے والے شخص کی آواز پر کام کریں گے یعنی جس شخص نے اس اسمارٹ چشمے کو پہنا ہوگا اس کے بولنے پر یہ تصاویر اور ویڈیوز بنا سکتے ہیں جب کہ چشمے کے فریم وائرلیس طور پر بذریعہ ایپ فیس بک سے جڑ سکتے ہیں۔

رے بین اسٹوریز نامی یہ اسمارٹ چشمے جو 299 امریکی ڈالرز یعنی 50 ہزار پاکستانی روپے سے زائد قیمت سے شروع ہورہے ہیں، انہیں سب سے پہلے برطانیہ، آسٹریلیا، کینیڈا، آئرلینڈ، اٹلی اور امریکا میں متعارف کرایا جائے گا۔

یہ بھی پڑھیں: لندن: مہاتما گاندھی کا چشمہ پونے 6 کروڑ میں نیلام ہوگیا

ان اسمارٹ چشموں کے فریمز پر کیمرا نصب ہوگا جب کہ فریمز کی کمانیاں فون کالز یا میوزک سننے کے لیے اسپیکر کے طور پر کام کرنے کے لیے ڈیزائن کی گئی ہیں۔

We’re proud of what we’ve achieved with Ray-Ban Stories and what we integrated into the most iconic glasses design in the world. Together with EssilorLuxottica, we focused on the design and only after that added the technology we believed would be most useful to people. pic.twitter.com/rcmXhinDUj

— Boz (@boztank) September 9, 2021

صارفین کمانیوں پر لگے بٹن دباکر یا وائس کمانڈ استعمال کرکے 30 سیکنڈ تک کی تصویر یا ویڈیو کلپ ریکارڈ کرسکتے ہیں۔ اس کے علاوہ ان اسمارٹ چشموں کو فزیکل طور پر بند بھی کیا جاسکتا ہے۔ ان چشموں میں صرف ایپ کو چلانے کے لیے درکار ڈیٹا اکٹھا کیا جاتا ہے۔