ایتھوپیا میں خانہ جنگی، خوراک کی قلت، ڈاکٹر تک کھانے کے لیے بھیک مانگنے پر محبور

عدیس ابابا : ایتھوپیا کے جنگ زدہ علاقے ٹگرے کو خوراک کی انتہائی کمی کا سامنا ہے، حالات اتنے خراب ہیں کہ اسپتال کی نرسوں اور ڈاکٹروں کو کھانے کے لیے بھیک مانگنا پڑ رہی ہے۔

انہوں نے کہا کہ انہیں آٹھ مہینوں سے تنخواہ نہیں ملی، وہ اپنے خاندانوں کی کفالت کے لیے دوسرے طریقے تلاش کرنے پر مجبور ہیں۔

یہ بھی پڑھیں : افریقی ممالک میں طوفان کے باعث ہلاکتوں کی تعداد 80 سے متجاوز

مقامی ڈاکٹر نے بتایا ہے کہ سات مہینوں کے دوران بڑے اسپتال کی نرسوں اور ڈاکٹروں کو کھانے کے پارسل کے لیے قطار میں کھڑا دیکھنا معمول بن گیا ہے۔ انہیں گزشتہ سال مئی سے تنخواہ نہیں دی گئی ہے۔

ڈاکٹر کا کہنا تھا کہ کھانے کا تیل، سبزیاں، اناج و دیگر ضروری اشیاء کی قیمتیں اتنی بڑھ گئی ہیں کہ اسے خریدنا بھی محال ہے، کچھ نے کھانے کے لیے بھیک مانگنا شروع کر دی ہے۔ وہ اپنے خاندانوں کی کفالت کے لیے دوسرے طریقے تلاش کرنے پر مجبور ہیں۔