سندھ کے علاوہ تمام صوبوں کا اسکولز بتدریج کھولنے کا فیصلہ

اسلام آباد: شفقت محمود کا کہنا ہے کہ سندھ کے علاوہ تمام صوبوں نے اسکولز بتدریج کھولنے کا فیصلہ کیا ہے، امتحانات شیڈول کے مطابق ہوں گے۔

وفاقی وزیر تعلیم شفقت محمود کا اسلام آباد میں پریس کانفرنس کرتے ہوئے کہنا تھا کہ 8 اگست تک سندھ میں تعلیمی ادارے بند ہیں، سندھ کے علاوہ تمام صوبوں نے اسکولز بتدریج کھولنے کا فیصلہ کیا ہے، امتحانات شیڈول کے مطابق ہوں گے۔

یہ بھی پڑھیں: سندھ بھر میں تعلیمی ادارے 8 اگست تک مکمل بند رہیں گے: سعید غنی

شفقت محمود کا کہنا تھا کہ امتحانات میں لازمی مضامین میں 5 فیصد اضافی نمبر دیے جائیں گے، سندھ میں امتحانات کا شیڈول 8 اگست کے بعد آئے گا، اسکولوں سے متعلق عملے کی ویکسی نیشن بھی ضروری ہے۔

ان کا کہنا تھا کہ تعلیمی ادارے 50فیصد حاضری کے ساتھ کھولے جارہے ہیں، وزرائے تعلیم کانفرنس کا آئندہ اجلاس 25اگست کو ہوگا۔