اداکارہ پریانکا چوپڑااور جمائما گولڈ کا غزہ میں جنگ بندی کا مطالبہ

غزہ پر جاری اسرائیلی جارحیت، بمباری اور معصوم لوگوں کے قتل عام پر بالی وڈ اداکارہ پریانکا چوپڑا اور جمائما گولڈ نےغزہ میں جنگ بندی کا مطالبہ کردیا ہے۔

پریانکا چوپڑا نے اسرائیل اور حماس کے درمیان ہونے والی جنگ میں متاثر ہونے والے فلسطینی بچوں کی حمایت میں فوٹو اینڈ ویڈیو شیئرنگ ایپ انسٹاگرام پر ایک پوسٹ شیئر کی۔

اداکارہ نے اقوام متحدہ کے فنڈ برائے اطفال (یونیسیف) کی ایک پوسٹ کو ری شیئر کیا، پوسٹ میں یونیسیف کی ایگزیکٹو ڈائریکٹر کیتھرین رسل سے منسوب بیان تحریر تھا کہ ‘بچوں کو دیرپا انسانی جنگ بندی کی ضرورت ہے۔

پوسٹ 2 دسمبر کو یونیسیف کی جانب سے انسٹاگرام پر پوسٹ کی گئی تھی جس میں غزہ کی پٹی کی موجودہ خطرناک صورتحال کے بارے میں بات کی گئی۔

یونیسیف کی جانب سے شیئر کردہ دیرپا جنگ بندی کے مطالبے والی اس پوسٹ پر طویل کیپشن تحریر کیا گیا جس میں کہا گیا تھا کہ تمام بچے امن کے مستحق ہیں اور ایک بہتر مستقبل کے حقدار ہیں۔

پوسٹ میں لکھا گیا تھا کہ غزہ کی پٹی بچوں کے لیے دُنیا کی سب سے خطرناک اور ڈراؤنی جگہ بن چکی ہے، اس جنگ میں ہزاروں بچے اپنی جان کی بازی ہار گئے جب کہ کئی بچے شدید زخمی بھی ہیں۔

پریانکا چوپڑا نے یونیسیف کی یہ پوسٹ اپنی انسٹاگرام اسٹوری میں شیئر کرکے غزہ میں جنگ بندی کا مطالبہ کردیا ہے۔

دوسری جانب جمائما نےعراق جنگ اور غزہ جنگ میں ہوئی بچوں کی ہلاکتوں کا موازنہ کیا۔

سوشل میڈیا سائٹ ایکس پر جاری بیان میں جمائما کا کہنا تھا کہ غزہ میں جاں بحق ہونے والوں بچوں کی تعداد غیرمعمولی ہے۔

The number of children being killed in Gaza is unprecedented.

Fewer children were killed in Iraq in 14 years of war (2008- 2022) than in one single month in Gaza.

The civilian death toll is significantly higher than in all the conflicts around the world during the C20th.…

— Jemima Goldsmith (@Jemima_Khan) December 11, 2023

ٹوئٹ میں جمائما نے لکھا کہ غزہ میں ایک ماہ میں جاں بحق بچوں کی تعداد 14 سالہ عراق جنگ میں جاں بحق بچوں سے زیادہ ہے۔

واضح رہے کہ اسرائیل کی جانب سے غزہ پر بربریت جاری ہے اور 7 اکتوبر سے اب تک 18 ہزار 200 سے زیادہ فلسطینی شہید اور 50 ہزار زخمی ہوچکے ہیں۔

یہ پڑھیں : غزہ کا استحصال: بائیکاٹ زارامہم زور پکڑ گئی