زمین سے فائر کی گئی گولی اُڑتے جہاز میں بیٹھے ہوئے مسافر کو جالگی

میانمار: زمین سے فائر کی گئی گولی اُڑتے جہاز میں بیٹھے ہوئے مسافر کو جالگی۔

میانمار کی قومی ایئر لائن کا طیارہ اس وقت ایک گولی کا نشانہ بنا جب وہ مشرقی ریاست کیاہ کے دارالحکومت لوئیکا میں 63 مسافروں کو لے کر لینڈ کرنے والا تھا۔

رپورٹس کے مطابق بظاہر گولی طیارے کو چیرتے ہوئے کھڑکی کے قریب بھیٹے مسافر کے کان پر لگی جس سے وہ زخمی ہوگیا۔

تاہم زخمی مسافر کو طیارہ لینڈ ہونے کے بعد اسپتال لے جایا گیا جہاں اس کا علاج جاری ہے۔

میانمار کی حکمراں فوجی کونسل کے ترجمان میجر جنرل زاؤ من تون نے الزام لگایا کہ یہ فائرنگ کیرنی نیشنل پروگریسو پارٹی سے تعلق رکھنے والے دہشت گردوں نے کی جو حکومت کے خلاف لڑنے والی ڈیفنس فورس کے اتحادی ہیں۔

เกิดเหตุกระสุนทะลุเข้ามาในห้องโดยสารเครื่อง ATR-72 สายการบิน Myanmar National Airlines ขณะกำลังร่อนลงจอดที่สนามบิน ลอยกอว์ ในพม่า ผู้โดยสารได้รับบาดเจ็บตามภาพ #Passenger #injured #MyanmarNationalAirlines #ATR72 #gunfire #landing #LoikawAirport #Myanmar #unrest pic.twitter.com/9FQBWRwT19

— Thai Aviation Careers (@thavcareers) October 1, 2022

میجر جنرل زاؤ من تون نے کہا کہ میں یہ کہنا چاہتا ہوں کہ مسافر طیارے پر اس قسم کا حملہ جنگی جرم ہے،جو لوگ اور تنظیمیں امن چاہتے ہیں انہیں اس معاملے کی ہر طرف سے مذمت کرنا ہوگی۔

دوسری جانب میانمار نیشنل ایئر لائنز نے اعلان کیا کہ شہر کے لیے تمام پروازیں غیر معینہ مدت کے لیے منسوخ کر دی گئی ہیں۔