مقبول خبریں
سرکلر ریلوے : متاثرہ افراد کو متبادل دو، نہیں تو بلڈوزر کے سامنے کھڑا ہوجاؤں گا : فردوس شمیم
کراچی : فردوس شمیم نقوی نے کہا ہے کہ سرکلر ریلوے کے منصوبے کے لیئے توڑے جانے والے گھروں کے رہائشی افراد کو گھر توڑنے سے قبل متبادل دے۔
سندھ اسمبلی میں اپوزیشن لیڈر اور تحریک انصاف کے رہنماء فردوس شمیم نقوی نے میڈیا سے بات کرتے ہوئے کہا کہ سرکلر ریلوے کے رہائشی افراد کے گھر گرانے کے نوٹس دیئے جارہے ہیں۔ حکومت سندھ ان لوگوں متبادل دے، اگر متبادل نہیں دیا گیا تو میں خود احتجاج کروں گا اور بلڈوزر کے سامنے کھڑا ہوجاؤں گا۔
انہوں نے کہا کہ سرکلر ریل کے ٹریک بنانے سے قبل گھر توڑنا زیادتی ہے، عدالت نے بھی متبادل دینے کا حکم دیا ہے، سرکلر منصوبہ حکومت سندھ کا منصوبہ ہے، جن افسران نے قبضوں کی اجازت دی ان کے خلاف کاروائی کی جائے۔