مقبول خبریں
وفاقی ٹیکس کا نوٹس لینے کے اختیار کے خلاف درخواست پر سماعت
لاہور: وفاقی ٹیکس محتسب کا ازخود نوٹس لینے کے اختیار کے خلاف درخواست پر سماعت ہوئی۔ لاہور ہائیکورٹ نے وفاقی ٹیکس محتسب کو لئے گئے ازخود نوٹسز پر بھی کارروائی سے روک دیا گیا۔ جبکہ عدالت نے وفاقی حکومت اور وفاقی ٹیکس محتسب سے 25 اپریل کو جواب طلب کرلیا۔
جسٹس ساجد محمود سیٹھی نے انکم ٹیکس کمشنر جبران مسعود کی درخواست پر سماعت کی۔ جبکہ درخواست گزار کا کہنا تھا کہ وفاقی ٹیکس محتسب کو کسی بھی معاملے پر ازخود نوٹس لے کر کارروائی کا اختیار نہیں۔ وفاقی ٹیکس محتسب آرڈیننس کی دفعہ 9 سب سیکشن 2 کے تحت ٹیکس محتسب ازخود نوٹس نہیں لے سکتا۔ عدالت میں زیر سماعت کسی بھی معاملے پر وفاقی ٹیکس محتسب کارروائی نہیں کرسکتا۔