امریکا اسرائیل کو اسلحہ دیکر جنگ جاری رکھنے کے قابل بنارہا ہے، انتونیو گوتریس

غزہ میں صیہونی بمباری جاری ہے، رات سے جاری حملوں میں مزید 19 فلسطینی شہید اور کئی زخمی ہوگئے۔

غیر ملکی خبر رساں ایجنسی کے مطابق المواسی کیمپ پر اسرائیلی فضائی حملے میں ایک ہی خاندان کے پانچ افراد شہید ہوئے ج بکہ رفح میں بھی تین فلسطینی مارے گئے۔

رپورٹس میں بتایا گیا کہ 7 اکتوبر سے جاری اسرائیلی حملوں میں شہید فلسطینیوں کی مجموعی تعداد 41 ہزار 118 تک پہنچ گئی۔

ادھر اقوام متحدہ کے سیکریٹری جنرل انتونیو گو تریس نے غزہ میں جنگ بندی کے لیے امریکا کو مداخلت کا پیغام دے دیا۔

ایک بیان میں انتونیو گوتریس نے کہا کہ امریکا اسرائیل کو اسلحہ اور سفارتی تحفظ فراہم کرنے کے ذریعے اپنی جنگ جاری رکھنے کے قابل بنا رہا ہے۔