مقبول خبریں
پاکستان اور پرائم منسٹر الیون کے درمیان 4روزہ میچ ڈرا
Reporter KA
09 دسمبر, 2023 14:58
کینبیرا: پاکستان اور پرائم منسٹر الیون کے درمیان 4روزہ میچ ڈرا ہوگیا ہے۔
پاکستان اور پرائم منسٹر الیون کے درمیان 4روزہ میچ بغیر کسی نیتجے کے ختم ہوگیا ہے،مانوکا اوول کینبرا میں مسلسل بارش کی وجہ سے میچ ڈرا ہوا ہے۔
رپورٹ کے مطابق گراؤنڈ میں پانی کی وجہ سے چوتھے روز بھی کھیل شروع نہ ہوسکا ،پاکستان نے پہلے بیٹنگ کرتے ہوئے پہلی اننگز 391 رنز پر دکلیئر کردی تھی۔
کپتان شان مسعود نے 201رنز کی ناقابل شکست اننگز کھیلی جبکہ پہلی اننگز میں بابر اعظم 40 اور سرفراز احمد نے41 رنز بنائے تھے۔
پرائم منسٹر الیون نے پہلی اننگز میں 4وکٹوں کے نقصان پر367 رنز بنالئے تھےجبکہ پرائم منسٹر الیون کی طرف سے میتھیو رینشا 136 بنا کر ناٹ آؤٹ رہے ۔
پاکستان کی طرف سے 4 روزہ میچ میں خرم شہزاد، فہیم اشرف، ابرار احمد اور امام الحق نے ایک ایک کھلاڑی کو آؤٹ کیا۔
واضح رہے کہ پاکستان اور آسٹریلیا کے درمیان پہلا ٹیسٹ میچ پرتھ میں 14 دسمبر سے شروع ہوگا۔
یہ پڑھیں : پاک آسٹریلیا ٹیسٹ سیریز؛ شاہین کی بولنگ انتہائی اہم ہوگی: شاہد آفریدی
متعلقہ خبریں
