عمران خان کی سزا معطلی کی درخواست پر فیصلہ محفوظ، فیصلہ منگل کو سنایا جائے گا

چیئرمین پی ٹی آئی کی توشہ خانہ کیس میں سزا معطلی کی درخواست پراسلام آبادہائیکورٹ نے فیصلہ محفوظ کرلیا جو کل دن گیارہ بجے سنایا جائے گا۔

عدالتی عملے نے چیرمین پی ٹی آئی کے وکلاء کو آگاہ کردیا،دوران سماعت چیف جسٹس نے ریمارکس دئیے کہ آج چئیرمین پی ٹی آئی کی سزا معطلی کی درخواست پر فیصلہ آجائے گا ۔

اسلام آباد ہائیکورٹ میں چیئرمین پی ٹی آئی کی سزا معطلی و ضمانت پررہائی کی درخواست پرسماعت ہوئی۔ چیف جسٹس عامر فاروق اورجسٹس طارق محمود سماعت کی۔

امجد پرویزکے سزا معطلی کی درخواست پردلائل دینا شروع کردئیے۔ وکیل الیکشن کمیشن امجد پرویز نے دوران سماعت راہول گاندھی کیس کا حوالہ دیتے ہوئے کہا کہ راہول گاندھی کیس میں بھی نجی شکایت پر2 سال قید کی سزا ہوئی تھی،راہول گاندھی نے سزا معطلی کی درخواست دائرکی جوخارج کردی گئی،عدالت نے فیصلہ دیا کہ سزا معطل کرنا کوئی ہارڈ اینڈ فاسٹ رول نہیں ہے۔

الیکشن کمیشن کے وکیل کی جانب سے ظہورالہی کیس کا بھی حوالہ دیا گیا۔ امجد پرویزنے کہا میں ابھی ان کی سزا معطلی کی درخواست کی مخالفت کرہی نہیں رہا،میں ابھی یہ کہہ رہا ہوں کہ اس طرف جانے سے پہلے پبلک پراسیکیوٹر کو نوٹس کیا جانا لازم ہے۔

امجد پرویزنےکہا ضابطہ فوجداری میں سزامعطلی کی درخواست میں شکایت کنندہ کو فریق بنانے کا ذکرنہیں، استدعا ہے کہ عدالت درخواست میں ریاست کو نوٹس جاری کرے،ریاست کونوٹس جاری کئے اورمؤقف سنے بغیرسماعت آگے نہ بڑھائی جائے۔

دوران سماعت چیف جسٹس نے ریمارکس دئیے کہ نیب کیسزمیں کمپلیننٹ کو کبھی پارٹی نہیں بنایا جاتا،ایڈووکیٹ امجد پرویزنے کہا نیب کے قانون میں پراسیکیوٹر کی تعریف کی گئی ہے، نیب کیس میں اسٹیٹ آتی ہی نہیں ہے۔

آپ کا یہ نکتہ نوٹ کرلیا مزید دلائل دیں،چیف جسٹس عامرفاروق کا وکیل الیکشن کمیشن سے مکالمہ، وکیل الیکشن کمیشن نےکہا الیکشن کمیشن کی شکایت درست فورم پردائرنہ ہونے کا اعتراض اٹھایا گیا، اگرمجسٹریٹ کی اسکروٹنی والی بات مان بھی لی جائے تو ٹرائل سیشن عدالت نے ہی کرنا ہے۔

چیف جسٹس نے ریماکس دئیے کہ مجسٹریٹ نے تعین کرنا ہےکہ سیشن عدالت کا ہی دائرہ اختیار بنتا ہے یا نہیں؟ آپ کہہ رہے ہیں کہ اگر یہ غلطی ہے بھی تو وہ ٹرائل کو خراب نہیں کرے گی؟

یہ پڑھیں : سائفر کیس: شاہ محمود قریشی کا تیسری بار جسمانی ریمانڈ، 2 روز کیلئے پھر ایف آئی اے کے حوالے

وکیل الیکشن کمیشن نے کہا یہ کوئی نیا قانون نہیں بلکہ ہمیشہ سے موجود رہا ہے،کوئی ایک ایسا فیصلہ موجود نہیں جہاں کرپٹ پریکٹسزکی شکایت مجسٹریٹ کے پاس دائر ہوئی ہو،میں ایک آئینی ادارے کے وکیل کے طور پرعدالت کے سامنے کھڑا ہوں،دوسرے فریق نےکہا کہ شکایت درست فورم پردائرنہ ہونے کے باعث برقرارنہیں رہ سکتی، یہ بات درست نہیں بلکہ صورتحال اس کے بالکل برعکس ہے۔

چیئرمین پی ٹی آئی کے وکیل لطیف کھوسہ روسٹرم پرآگئے دلائل میں مداخلت نہیں کرنا چاہتا، کچھ فیصلوں کے حوالے دینا چاہتا ہوں،دفاع کی جانب سے شکایت کی باقاعدہ اجازت کے حوالے سے اعتراض اٹھایا گیا ہے۔

وکیل امجدپرویز نے کہا انکے مطابق باقاعدہ اجازت کے بغیرشکایت قابل سماعت نہیں ہے،میں عدالت سے الیکشن کمیشن کا اجازت نامہ پڑھنے کی اجازت چاہتاہوں، وکیل لطیف کھوسہ نے کہا میں دو تین عدالتی فیصلوں کا حوالہ دینا چاہتا ہوں، وکیل الیکشن کمیشن2 گھنٹے گزشتہ سماعت پرلے لیے،1گھنٹہ آج لے لیا۔

چیف جسٹس نے ریماکس دئیے کہ جسٹس کھوسہ نے کہاتھا کہ ٹیسٹ میچ کا زمانہ چلاگیا اب ٹوئنٹی ٹوئنٹی کا دورہے،لطیف کھوسہ صاحب نے بڑے شائستہ انداز میں کہا ہے کہ مختصر کریں۔

امجد پرویزنےکہا لطیف کھوسہ نے سزامعطلی کی درخواست پردلائل کیلئے تین دن لئے،انہوں نے توشہ خانہ کیس کا فیصلہ سنانے والے جج کو مشقِ ستم بنا رکھا ہے۔

الیکشن کمیشن کے وکیل نےکیس ملتوی کرنے کی استدعا کردی۔کہا میں نے خواجہ حارث کا جمع کرایا بیان حلفی نہیں دیکھا،یہ تاثر نہیں جانا چاہیےکہ میں کیس التوا میں ڈال رہا ہوں، خواجہ حارث کا بیان حلفی دیکھنا میرا حق ہے ،

چیف جسٹس عامر فاروق نے ریمارکس دئیے آپ دلائل جاری رکھیں دو نکات ہیں ،جو سزا معطلی ہوتی ہے اس میں اتنی تفصیل میں نہیں جاتے،اگر دلائل کو اتنا طویل رکھیں تو پھر اپیل کا ہی فیصلہ ہو جائے۔عدالت نے الیکشن کمیشن کے وکیل کوہدایت دیتے ہوئے کہا امجد صاحب پانچ دس منٹ میں آپ مکمل کر لیں۔

امجد پرویزنے کہا میں نے عدالتی نظائرآپ کے سامنے رکھ دیں عدالت دیکھ لے۔

عدالت نے وکیل الیکشن کمیشن امجد پرویزکودلائل دینے کی ہدایت کررکھی ہے۔ امجد پرویز بیماری کے باعث گزشتہ سماعت پرپیش نہیں ہوسکے تھے۔

یہ پڑھیں : توہین الیکشن کمیشن کیس: عمران خان کو آج گرفتار کرکے پیش کرنے کا حکم