پاکستان سے عراق جانے والے زائرین کیلئے خوشخبری

اسلام آباد: پاکستان سے عراق جانے والے زائرین کیلئے خوشخبری، عراق اب پاکستانی زائر کو انفرادی طور پر بھی ویزا جاری کرے گا۔

وفاقی وزیر داخلہ رانا ثناء اللہ کی وفد کے ہمراہ عراقی صدر ڈاکٹر عبدالطیف جمال راشد سے خصوصی ملاقات ہوئی ہے، اس ملاقات میں عراقی وزیر داخلہ عبدالامیر الشمری بھی موجود تھے۔

اعلیٰ سطحی انتہائی اہم ملاقات میں پاکستانی وزیر داخلہ رانا ثناء اللہ نے عراقی صدر سے پاکستانی زائرین کے ویزہ مسائل پر گفتگو کی تھی۔

یہ بھی پڑھیں: وزیر خارجہ بلاول بھٹو عراق کے3 روزہ دورے پر بغداد پہنچ گئے

ملاقات کے بعد عراقی حکام نے وزیر داخلہ کی درخواست پر فوری عمل ہوا ہے اور عراقی صدر اور وزیر داخلہ نے چہلم امام حسین کے موقع پر پاکستانی زائرین کا کوٹہ 50 ہزار سے بڑھا کر 1 لاکھ کرنے پر اتفاق کرلیا ہے۔

اس کے علاوہ پاکستان میں عراقی سفارت خانہ میں انفرادی ویزہ جاری کرنے کی بھی منظوری دے دی ہے۔

عراقی وزیر داخلہ نے پاکستانی زائرین کو گروپ ویزہ کے علاوہ پاکستان میں عراقی سفارت خانے سے انفرادی ویزا جاری کرنے کی بھی منظوری دے دی ہے۔