مقبول خبریں
ثابت ہوگیا ہے کہ ملک فسطائیت کا شکار ہو چکا: چودھری پرویز الہٰی
لاہور: صدر پاکستان تحریک انصاف چودھری پرویز الہٰی نے عمران خان کی گرفتاری پر شدید مذمت کی ہے۔
چودھری پرویز الہٰی کا اپنے ایک بیان میں کہنا تھا کہ عمران خان عدالت میں ضمانت کیلئے پیش ہوئے تھے، عمران خان کو گرفتار کرنا قانون کی دھجیاں بکھیرنے کے مترادف ہے، ہم عمران خان کے ساتھ سیسہ پلائی دیوار کی طرح کھڑے ہیں۔
ان کا کہنا تھا کہ ثابت ہوگیا ہے کہ ملک فسطائیت کا شکار ہو چکا، یہاں پر آئین و قانون کی عملداری نہیں ہے، عمران خان کی گرفتاری غیر آئینی اور غیر قانونی اقدام ہے۔
یہ بھی پڑھیں: اب صرف قانون حرکت کریگا، قانون کسی کے تابع نہیں ہے: عمران کی گرفتار پر خواجہ آصف کا ردعمل
انہوں نے کہا کہ وفاقی حکومت یہ اقدام نوازشریف اور شہبازشریف کی ہدایات کے بغیر نہیں اٹھا سکتی۔