سلامتی کونسل میں یوکرین پر میزائل حملوں اور پولینڈ واقعے پر روس پر شدید تنقید

امریکہ اور اس کے اتحادیوں نے پولینڈ میں مہلک میزائل حملے کی ذمہ داری پر اقوام متحدہ کی سلامتی کونسل میں روس کو شدید تنقید کا نشانہ بنایا ہے۔

اقوام متحدہ کی سلامتی کونسل کا پہلے سے طے شدہ اجلاس منعقد ہوا، جس میں پولینڈ میں میزائل گرنے کا واقعہ موضوع بحث رہا اور روس کو شدید تنقید کا نشانہ بنایا گیا۔ دنیا میں بڑی جنگ کے خدشات اس وقت ختم ہوگئے، جب نیٹو اور پولینڈ نے کہا کہ میزائل ممکنہ طور پر روسی حملہ نہیں تھا۔

یوکرین کے ساتھ پولینڈ کی سرحد کے قریب گاؤں میں ہلاکتیں اسی دن ہوئیں، جب روس نے یوکرین کے شہروں پر 90 سے زائد میزائل داغے، جس کا مقصد اس کی بجلی پیدا کرنے کی صلاحیت کو نقصان پہنچانا تھا۔

یہ بھی پڑھیں : امریکہ اور نیٹو کا تحقیقات کا فیصلہ، روس سے میزائل فائر ہونے کا امکان نہیں : بائیڈن

اقوام متحدہ میں امریکی سفیر لنڈا تھامس گرین فیلڈ نے سلامتی کونسل کو بتایا کہ اگرچہ ہمیں ابھی تک تمام حقائق کا علم نہیں ہے، لیکن ہم ایک چیز جانتے ہیں۔ روس کے غیر ضروری اور یوکرین کے شہری انفراسٹرکچر پر اس کے حالیہ میزائل حملے نہ ہوتے تو یہ سانحہ کبھی رونماء نہیں ہوتا۔ "یوکرین کو اپنے دفاع کا پورا حق حاصل ہے۔

پولینڈ اور برطانیہ کے اقوام متحدہ کے سفیروں نے بیان دیا کہ پولینڈ میں جو کچھ ہوا، اس کے لیے روس ذمہ دار ہے۔

اقوام متحدہ میں روس کے سفیر واسیلی نیبنزیا نے یوکرین اور پولینڈ پر الزام لگایا کہ وہ روس اور نیٹو کے درمیان براہ راست تصادم کو ہوا دینے کی کوشش کر رہے ہیں۔ ہم نے بہت پہلے ہی آپ کی کسی بھی حالت میں، حقائق کو دیکھے بغیر ہر چیز کے لیے روس کو مورد الزام ٹھہرانے کی آپ کی کوششوں سے حیران ہونا چھوڑ دیا ہے۔