ملیر سے پی ٹی آئی کو شکست دینے والے پی پی کے عبدالحکیم بلوچ کا عمران خان کو کھلا چیلنج

کراچی: ملیر سے پی ٹی آئی کو شکست دینے والے پی پی کے عبدالحکیم بلوچ نے عمران خان کو کھلا چیلنج دے دیا۔

عبدالحکیم بلوچ کا کہنا تھا کہ عمران خان کو دوبارہ شکست دینے کےلیے تیار ہوں، کراچی کے عوام نے عمران خان کو شکست دے کر اپنا فیصلہ سنادیا۔

ان کا کہنا تھا کہ عمران خان میں ہمت ہے تو دوبارہ میرا مقابلہ کرکے دکھائیں، دھاندلی کا شور مچانے سے عمران خان اپنی شکست کا داغ نہیں مٹاسکتے۔

یہ بھی پڑھیں: عمران خان قومی اسمبلی کی چھ نشستوں پر کامیاب، ایک پر شکست

انہوں نے کہا کہ پیپلزپارٹی نے عمران خان کو دن میں تارے دکھادئیے ابھی تو یہ آغاز ہے۔