کراچی میں آج درمیانے درجے کی بارش کا امکان

کراچی: محکمہ موسمیات نے آج بھی شہر قائد میں ہلکی اور تیز بارش کی پیش گوئی کی ہے۔

محکمہ موسمیات کے مطابق کراچی میں آج بھی موسم مطلع ابر آلود رہے گا، جبکہ آج درمیانے درجے کی بارش کا امکان ہے۔

محکمہ موسمیات کا کہنا ہے کہ بارشوں کا سلسلہ مزید چند روز تک جاری رہنے کا امکان ہے، 16 کلو میٹر فی گھنٹہ کی رفتار سے ہوائیں چل رہی ہیں۔

یہ بھی پڑھیں: طوفانی بارشوں کے باعث ملک میں اموات کی تعداد 80 ہوگئی

محکمہ موسمیات نے بتایا کہ دن میں درجہ حرارت 32 سے 34 سینٹی گریڈ تک رہے گا، دن میں 22 کلو میٹر فی گھنٹہ کی رفتار سے ہوائیں چلیں گی۔