عمران خان نے جاتے ایسا وار کیا کہ پاکستان کو سنبھلتے ہوئے مہینے لگ جائیں گے : مریم نواز

اسلام آباد : مریم نواز کا کہنا ہے کہ حکومت جو فیصلے کررہی ہے یہ عمران خان کے معاہدے کا نتیجہ ہے۔ عمران خان نے جاتے جاتے نے ایسا وار کیا کہ پاکستان کو سنبھلتے ہوئے مہینے لگ جائیں گے۔

مسلم لیگ ن کی نائب صدر مریم نواز نے اسلام آباد ہائی کورٹ میں پیشی کے موقع پر میڈیا سے بات کرتے ہوئے کہا کہ عمران خان ایسا بوجھ ڈال گئے، جس کو اٹھانے کے لئیے پاکستان کی ہمت نہیں ہے۔ چور عمران خان تھا، جس نے پیٹرول کی قیمتیں بڑھائیں ہیں۔ سمجھتی ہوں جب حکومتیں جاتیں تو وہ خوشی سے اپنی کارکردگی بتاتی ہیں۔

انہوں نے کہا کہ عمران خان کہتے ہیں یہ سیاسی معاملہ ہے، فوج کو نہیں بولنا چاہئیے۔ عمران خان اس معاملے کو نیشنل سیکورٹی کونسل میں کیوں لے کر گئے؟ ان کو پتہ تھا ان کی کوئی کارکردگی نہیں اس لیے معاملہ کمیٹی میں لے کر گئے۔ عمران خان نے اپنی سیاست چمکانے کیلئے ملکی سلامتی، اداروں کو داؤ پر لگا دیا۔ ڈی جی آئی ایس پی آر فوج کی نمائندگی کرتے ہیں۔ عمران خان کا جھوٹ واضح ہوگیا ہے ان پر توجہ دینے کی کوئی ضرورت نہیں ہے۔

یہ بھی پڑھیں : ایک تگڑا شو کرنے لگا ہوں، لیکن بتاؤں گا نہیں : عمران خان

ان کا کہنا ت ھا کہ عمران خان جاتے جاتے ن لیگ حکومت کے لئیے بارودی سرنگیں بچھا کر گیا ہے۔ شہباز شریف حکومت نے اپنی طرف سے کوئی اضافی ٹیکس نہیں لگایا۔ چار سال پاکستان کے ساتھ کھلواڑ کرتے رہے۔ شیخ رشید نے خود اعتراف کیا کہ عمران خان بارودی سرنگ بچھا کر گئے ہیں۔

لیگی رہنماء نے کہا کہ آج حکومت کو مشکل فیصلے لینے پڑ رہے ہیں۔ حکومت جو فیصلے کررہی ہے یہ عمران خان کے معاہدے کا نتیجہ ہے۔ معاہدے عمران خان نے کیئے، بھگتنا شہباز شریف کو  پڑ رہا ہے۔ حکومت پاکستان آئی ایم ایف سے معاہدوں پر عمل کرنے کی پابند ہے۔ انہوں نے بجٹ پر سیلز ٹیکس لگانے کا اعلان کیا، جو ہمیں کرنا پڑ رہا ہے۔

مریم نواز کا کہنا تھا کہ عمران خان کو معلوم ہوا کہ ان کی حکومت جانے والی ہے تو ان نے ایسا وار کیا پاکستان کو سنبھلتے ہوئے مہینے لگ جائیں گے۔ انہیں پتہ تھا ملک متحمل نہیں ہوسکتا پھر بھی پیٹرولیم کی قیمتیں کم رکھیں۔ 4 سال میں ملک پر ایک کے بعد ایک کاری ضرب لگی۔ عمران خان ملک میں آگ لگا کر گئے ہیں۔ ان کو پتہ تھا ان کے فیصلے سے ملک تباہی کی طرف دھکیل دیا جائے گا۔

انہوں نے کہا کہ عمران خان نے قرض لینے کیلئے پاکستان کو آئی ایم ایف کے پاس گروی رکھ دیا۔ انہوں نے 2019میں آئی ایم ایف سے معاہدہ کیا تھا، عمران خان کے معاہدے کے تحت آج 300 روپے لیٹر پیٹرول ہونا چاہیئے۔ آئی ایم ایف معاہدہ توڑتے ہیں یا پاسداری نہیں کرتے تو پاکستان ڈیفالٹ کرجائے گا۔

ان کا کہنا تھا کہ نواز شریف کا پرویز مشرف سے متعلق ٹویٹ انسانیت پر مبنی تھا۔ مشرف کے ظلم کا شکار میرے والد اور پورا خاندان بنا ہے۔ میرے والد میرے دادا کے خدمت گزار تھے۔ لیکن ان کو دفنانے نہیں آسکے۔ مشرف صاحب نہ اٹھ سکتے ہیں اور نہ چل سکتے ہیں۔

لیگی رہنماء نے مزید کہا کہ بینظیر بھٹو جب شہید کی گئیں، تو نواز شریف ہسپتال پہنچے۔ 2013 میں عمران خان نے کیا الزامات نہیں لگائے۔ عمران خان جب کنٹینرز سے گرے تو نواز شریف ان سے ملنے اسپتال گئے۔

مریم نواز کا کہنا تھا کہ ملک ریاض نے عمران خان کو تحفے دئیے۔ عمران خان کا دوسرا نام فتنا خان ہے۔ عمران خان سب سے بڑا جھوٹا ہے۔