ملک میں آج فی تولہ سونے کی کیا قیمت ہے؟

پاکستان میں کئی سیشنز قیمتیں کم ہونے کے بعد سونے کے بھاؤ میں آج کوئی تبدیلی دیکھنے میں نہیں آئی۔

آل پاکستان جیمز اینڈ جیولرز ایسوسی ایشن کے مطابق ملک میں فی تولہ سونے کی قیمت 2 لاکھ 39 ہزار 200 روپے پر برقرار ہے۔

ایسوسی ایشن کے مطابق 10 گرام سونے کا نرخ 2 لاکھ 5 ہزار 75 روپے جب کہ فی تولہ چاندی 2620 روپے میں فروخت ہو رہا ہے۔

واضح رہے کہ گزشتہ روز ملک میں فی تولہ سونے کی قیمت میں 800 روپے کی کمی ریکارڈ کی گئی تھی۔

دوسری جانب جمعرات کو عالمی صرافہ بازار میں بغیر کسی تبدیلی کے سونے کی قدر 2,312 ڈالر فی اونس پر برقرار رہی ہے۔