امریکی یونیورسٹی کی خاتون پروفیسر کو غزہ پر اسائنمنٹ دینا مہنگا پڑ گیا

شکاگو کی یونیورسٹی میں خاتون پروفیسر کو غزہ پر اسائنمنٹ دینے پر نوکری سے نکال دیا گیا۔

غیر ملکی میڈیا کے مطابق شکاگو کی ڈی پال یونیورسٹی کی خاتون پروفیسر کو غزہ میں قتل عام کے انسانوں پر اثرات کے حوالے سے اسائنمنٹ دینے پر نوکری سے فارغ کیا گیا۔

بائیولوجی کی خاتون پروفیسر این ڈی ایکینو نے طلبہ کو کہا تھا کہ وہ چاہیں تو غزہ میں ہورہے قتل عام کے انسانی صحت پر اثرات کے حوالے سے لکھ سکتے ہیں۔

یہ بھی پڑھیں: مشرق وسطیٰ کے رہنما اگر جنگ بندی چاہتے ہیں تو حماس پر دباؤ ڈالیں، انٹونی بلنکن

رپورٹس میں بتایا گیا کہ کچھ طلبہ نے مضمون پر تحفظات کا اظہار کیا لیکن پروفیسر کو نوکری سے نکالنے پر طلبہ کی اکثریت سراپا احتجاج ہوگئی تھی۔