مشرق وسطیٰ کے رہنما اگر جنگ بندی چاہتے ہیں تو حماس پر دباؤ ڈالیں، انٹونی بلنکن

امریکی سیکرٹری خارجہ نے کہا ہے کہ مشرق وسطیٰ کے رہنما اگر جنگ بندی چاہتے ہیں تو حماس پر دباؤ ڈالیں۔

انٹونی بلنکن نے مصر سے اسرائیل کے لیے روانگی کے وقت میڈیا سے گفتگو میں جنگ بندی میں پیش رفت نہ ہونے کا ذمہ دار حماس کو ٹھرا دیا۔

انہوں نے کہا کہ غزہ اور اسرائیل جنگ بندی میں حماس کو اعتراض ہے، لہٰذا مشرق وسطیٰ کے رہنما اگر جنگ بندی چاہتے ہیں تو حماس پر دباؤ ڈالیں۔

امریکی سیکرٹری خارجہ کا کہنا تھا کہ حماس اپنے اقدامات میں مسلسل غیر معمولی خود غرضی کا مظاہرہ کرتا رہا ہے۔

یہ بھی پڑھیں: بلنکن سے ملاقات میں نیتن یاہو نے حماس کی تجاویز مسترد کردی

انٹونی بلنکن نے کہا کہ امریکی صدر جو بائیڈن کے مجوزہ معاہدے سے ہی سب یرغمالیوں کو واپس لایا جا سکتا ہے،  جنگ بندی معاہدے پر رضا مندی کے لیے شہریوں کی کم سے کم اموات کو یقینی بنانا ہوگا۔