امریکا کا مشرقِ وسطیٰ میں مزید فوج بھیجنے کا فیصلہ

اسماعیل ہنیہ کی شہادت اور ایران کے ردعمل کے خوف سے خطے میں کشیدگی پھیل گئی۔

عرب میڈیا کے مطابق امریکا نے کشیدگی کے دوران اسرائیل کی مدد کے لیے مشرقِ وسطیٰ میں مزید فوج بھیجنے کا فیصلہ کیا ہے۔

پینٹاگون نے بتایا کہ امریکا مشرقِ وسطیٰ میں اضافی فائٹر جیٹ، اسکواڈ رن، نیوی کروزر اور ڈسٹرائر شپ بھیجے گا، امریکی بی ٹو بمبار طیارے قطر کے امریکی ائربیس پہنچ گئے ہیں۔

امریکہ مشرق وسطیٰ میں ایک نیا جنگی بحری جہاز بھیجنے کے ساتھ ساتھ خطے میں میزائل دفاعی جہاز اور لڑاکا اسکواڈرن بھی تعینات کر رہا ہے۔

یہ بھی پڑھیں: اسماعیل ہنیہ کی شہادت؛ اسرائیلی فوج کے ترجمان کا بیان آگیا

پینٹاگون نے مزید کہا کہ حماس کے سیاسی سربراہ اسماعیل ہانیہ کے قتل پر اسرائیل کے خلاف ممکنہ ایرانی جوابی کارروائی کا امکان بڑھ رہا ہے جس کی وجہ سے خطے میں اضافی لڑاکا طیارے اور جنگی جہاز تعینات کیا جا رہا ہے۔