مقبول خبریں
امریکی اسپیکر پیلوسی کا بیان امن کی کوششوں کے لیے ایک سنگین دھچکا ہے : آذربائیجان
باکو : آذربائیجان نے پیلوسی پر تنقید کرتے ہوئے کہا کہ غیر مصدقہ اور غیر منصفانہ الزامات امن کی کوششوں کے لیے ایک سنگین دھچکا ہے۔
امریکی ایوانِ نمائندگان کی اسپیکر نینسی پیلوسی نے آرمینیا کے دورے کے دوران اپنے خطاب میں کہا کہہم ان حملوں کی شدید مذمت کرتے ہیں۔ یہ واضح ہے کہ یہ آذریوں نے شروع کیا تھا اور اس کو تسلیم کرنا ضروری ہے۔
یہ بھی پڑھیں : آذربائیجان اور آرمینیا کشیدگی پر قابو پانے کیلئے بات چیت پر متفق
انہوں نے کہا کہ امریکہ آرمینیا کو اس کی دفاعی ضروریات سے متعلق معلومات لے رہا ہے۔ واشنگٹن اس ملک کی حمایت کرنا چاہتا ہے۔
اس بیان کے جواب میں آذربائیجان کے وزارت خارجہ نے کہا کہ پیلوسی کی طرف سے آذربائیجان کے خلاف لگائے گئے غیر مصدقہ اور غیر منصفانہ الزامات ناقابل قبول ہیں۔ انہیں آرمینیا کے حامی سیاستدان کے طور پر جانا جاتا ہے۔
انہوں نے کہا کہ یہ آرمینیا اور آذربائیجان کے درمیان تعلقات کو معمول پر لانے کی کوششوں کے لیے ایک سنگین دھچکا ہے۔