عالمی ادارہ صحت کا کورونا کی گھمبیر صورتحال پر بھارت کی امداد کا اعلان

نیو یارک : عالمی ادارہ صحت بھارت میں کورونا کی صورتحال گھمبیر قرار دیتے ہوئے امداد کا اعلان کردیا ہے۔

سربراہ عالمی ادارہ صحت ٹیڈروس نے کہا ہے کہ بھارت میں کورونا کیسز کی صورتحال گھمبیر ہے۔ ڈبلیو ایچ او اضافی عملہ اور سامان بھارت بھیج رہا ہے۔

یہ بھی پڑھیں : بھارت میں کورونا کے مزید ساڑھے تین لاکھ نئے کیسز

انہوں نے کہا کہ سامان میں آکسیجن، موبائل فیلڈ اسپتال اور لیبارٹری سامان شامل ہے۔ ڈبلیو ایچ او کے 2600 اسٹاف ممبر وباء سے لڑنے میں مدد کریں گے۔

ان کا کہنا تھا کہ دوسرے ممالک میں بھی ایسی صورتحال پیدا ہوسکتی ہے۔ سائنو فام ویکسین سے متعلق فیصلہ رواں ہفتے کیا جائے گا۔