امریکی جنگی مشقیں صورتحال کو انتہائی سرخ لکیر کی طرف دھکیل رہی ہیں : شمالی کوریا

امریکہ کی جانب سے جنوبی کوریا کے ساتھ مشترکہ فوجی مشقوں پر شدید غصے کا اظہار کیا ہے اور کہا کہ ان مشقوں نے صورت حال کو انتہائی سرخ لکیر کی طرف دھکیل دیا۔

شمالی کوریا کی وزارت خارجہ کے ایک نامعلوم ترجمان سے منسوب بیان میں کہا گیا ہے کہ مشقوں سے خطے کو بڑے جنگی ہتھیاروں والے اور زیادہ نازک جنگی علاقے میں تبدیل ہونے کا خطرہ ہے۔

شمالی کوریا نے سخت ردعمل دینے کی دھمکی دیتے ہوئے کہا کہ پیانگ یانگ اس وقت تک بات چیت میں دلچسپی نہیں رکھتا جب تک واشنگٹن دشمنانہ پالیسیوں پر عمل پیرا ہے۔ ہم کسی بھی قلیل مدتی یا طویل مدتی فوجی چیلنج کا مقابلہ کرنے کے لیے تیار ہیں۔

یہ بھی پڑھیں : فلپائن کی چینی خدشات کے باوجود امریکہ کو مزید چار فوجی اڈوں تک رسائی کی اجازت

ترجمان کا کہنا تھا کہ جزیرہ نما کوریا اور خطے میں عسکری اور سیاسی صورتحال امریکہ اور اس کی جارح افواج کی لاپرواہی فوجی محاذ آرائی اور دشمنانہ کارروائیوں کی وجہ سے انتہائی سرخ لکیر پر پہنچ گئی ہے۔

انہوں نے کہا کہ شمالی کوریا امریکہ کی کسی بھی فوجی کوشش پر جوہری کے بدلے جوہری اور ہر طرف سے حملے کے جواب میں ہر طرف کے حملے کے اصول کے تحت سخت ترین ردعمل کا اظہار کرے گا۔

ترجمان نے مزید کہا کہ اگر امریکہ جزیرہ نما کوریا اور اس کے آس پاس کے علاقے میں تزویراتی اثاثے متعارف کروانا جاری رکھتا ہے، تو ہم اپنی نوعیت کے مطابق روکی گئیں سرگرمیوں کو بغیر کسی ناکامی کے دوبارہ شروع کر دے گا۔