اقوام متحدہ کی سنکیانگ پر رپورٹ مسترد، یہ چین کیخلاف سیاسی آلہ ہے : دفتر خارجہ

بیجنگ : چین نے اقوام متحدہ کی چین کے صوبے سنکیانگ میں انسانی حقوق کی مبینہ خلاف ورزیوں سے متعلق رپورٹ کو اپنے خلاف ایک سیاسی آلہ قرار دیا ہے۔

وزارت خارجہ کے ترجمان وانگ وین بِن نے بریفنگ میں سوال کے جواب میں بتایا کہ آپ نے جس نام نہاد تنقیدی رپورٹ کا ذکر کیا ہے۔ وہ امریکی اور کچھ مغربی قوتوں کی طرف سے منصوبہ بندی اور تیار کی گئی ہے، یہ مکمل طور پر غیر قانونی اور غلط ہے۔

یہ بھی پڑھیں : تائیوان کا سخت ردعمل، حدود میں آنے پر پہلی بار چینی ڈرون پر انتباہی گولیاں چلادیں

انہوں نے مزید کہا کہ رپورٹ غلط معلومات کا گڑھ ہے، اور یہ ایک سیاسی آلہ ہے، جسے مغرب کی چین کو کنٹرول کرنے کے لیے سنکیانگ کو استعمال کرنے کی حکمت عملی کے حصے کے طور پر استعمال کیا جاتا ہے۔