ایک فرد کے لیے پاکستانی قوم کے ساتھ ظلم نہیں ہونا چاہیے : محسن شاہ نواز رانجھا

اسلام آباد : لیگی رہنماء کا کہنا ہے کہ لاڈلے بچے کو 2018 میں نقل کروا کر پاس کروایا گیا، ایک فرد کے لیے پاکستانی قوم کے ساتھ ظلم نہیں ہونا چاہیے۔

محسن شاہ نواز رانجھا نے سپریم کورٹ کے باہر میڈیا سے گفتگو کرتے ہوئے کہا کہ اٹارنی جنرل نے عدالت میں درخواست دائر کی ہے۔ ججز ایک ایک کر کے بینچ سے علیحدگی اختیار کر رہے ہیں۔ گھر کے بڑوں کو مل کر بیٹھنا چاہیے۔

یہ بھی پڑھیں : ثابت ہو گیا کہ سپریم کورٹ کیخلاف سازش کی ڈوریاں لندن سے ہلائی جا رہی ہیں: پرویز الہٰی

انہوں نے کہا کہ لاڈلے بچے کو 2018 میں نقل کروا کر پاس کروایا گیا۔ ایک فرد کے لیے پاکستانی قوم کے ساتھ ظلم نہیں ہونا چاہیے۔ ایک شخص کو پانچ پانچ مقدمات میں ایک ساتھ ضمانتیں دی جائیں۔ عوام سوال کرتی ہے لاڈلہ کون ہے۔