شمالی کوریا کا نیا میزائل تجربہ ناکام ہوگیا : جاپان / جنوبی کوریا

پیانگ یانگ : جنوبی کوریا کا کہنا ہے کہ شمالی کوریا کا میزائل تجربہ ناکام ہوا ہے۔

جنوبی کوریا کا کہنا ہے کہ جوہری ہتھیاروں سے لیس ملک نے ایک نامعلوم میزائل تجربہ کیا ہے، لیکن ایسا لگتا ہے کہ یہ چند لمحوں بعد ناکام ہو گیا ہے۔ مشتبہ میزائل شمالی کوریا کے دارالحکومت پیانگ یانگ کے ہوائی اڈے کے قریب ایک جگہ سے داغا گیا تھا۔

یہ بھی پڑھیں : شمالی کوریا نئے بین البراعظمی بیلسٹک میزائل سسٹم کا تجربہ کر رہا ہے : امریکہ

جاپانی میڈیا نے قبل ازیں وزارت دفاع کے ایک نامعلوم اہلکار کے حوالے سے اطلاع دی تھی کہ شمالی کوریا نے بیلسٹک میزائل فائر کیا ہے۔

واضح رہے کہ شمالی کوریا نے اس سال اب تک ہتھیاروں کے ریکارڈ نو ٹیسٹ کیے ہیں۔