برازیل: موبائل فون نے مبینہ طور پر شہری کی جان بچالی

براسیلیا: ڈکیتی کی واردات کے دوران ڈرامائی انداز میں ایک شخص قتل ہونے سے بال بال بچ گیا۔

ڈاکو نے مذکورہ شہری پر فائر کیا تو گالی اسے لگنے کے بجائے موبائل فون میں جاگھسی جو پینٹ کی پچھلی جیب میں موجود تھا، اس طرح مذکورہ فرد کو معجزانہ طور پر نئی زندگی مل گئی۔

شہری کے فون کور پر فکشن فلم کے سپرہیرو ہلک کی تصویر نقش ہے جس کی وجہ سے صارفین سوشل میڈیا پر دلچسپ تبصرے بھی کررہے ہیں۔

یہ بھی پڑھیں: موبائل چارجر کیوں چھپایا؟ بھائی نے بھائی کو قتل کردیا

E o paciente que foi admitido na emergência após ter sido baleado num assalto e a bala parou no celular!!!
Detalhe para a capinha do celular. pic.twitter.com/EUoyN0LMoH

— Pedro Carvalho (@Oparbento1) October 7, 2021

رپورٹ کے مطابق جس اسپتال میں متاثرہ شخص کو لایا گیا اس کی انتظامیہ نے بتایا کہ ڈکیتی کے دوران ملزم نے فائر کیا تھا تاہم شہری بالکل محفوظ اور صحت یاب ہے، موبائل فون نے گولی جسم کی طرف آنے نہیں دیا۔