انسانوں کو روبوٹ سے بچانے کے لیے گوگل نےروبوٹ آئین تشکیل دےدیا

کیلیفورنیا: ٹیکنالوجی کمپنی گوگل نے روبوٹ کے سبب ہونے والے نقصانات کو محدود کرنے کے لیے روبوٹس کے لیے آئین تشکیل دے دیا۔

کمپنی کو امید ہے کہ اس کا ڈیپ مائنڈ روبوٹکس ڈویژن ایک دن ایک ایسا ذاتی معاون روبوٹ تیار کرنے کے قابل ہو جائے گا، جو ہدایات پر عمل کر سکے گا۔ مثال کے طور پر اسے گھر صاف ستھرا کرنے یا اچھا کھانا پکانے کے لیے بھی کہا جاسکے گا۔

لیکن اس طرح کی بظاہر سادہ سی ہدایت دراصل روبوٹس کی سمجھ سے باہر ہوسکتی ہے اور یہ واقعی خطرناک ہوسکتا ہے۔ مثال کے طور پر، ہو سکتا ہے کہ ایک روبوٹ کو یہ معلوم نہ ہو کہ اس نے گھر کو اتنی شدت سے صاف نہیں کرنا کہ اس کے مالک کو نقصان پہنچے۔

رپورٹ کے مطابق گوگل کی جانب سے نئے سسٹمز کا ایک سیٹ پیش کیا گیاہے جس کے متعلق کمپنی کا خیال ہے کہ یہ ایسے روبوٹ بنانے میں آسانی فراہم کرے گا جو مدد کرنے اور بغیر نقصان پہنچائے مدد کرنے کے قابل ہوں گے۔ ان سسٹمز کا مقصد روبوٹس کو تیزی سے فیصلہ کرنے اور ان کے اطراف ماحول کے متعلق بہتر سمجھ اور سمت شناسی میں مدد دینا ہے۔

اس کامیابی میں آٹو آر ٹی نامی نیا سسٹم شامل ہے جو انسانوں کے مقاصد سمجھنے کے لیے مصنوعی ذہانت کو استعمال کرتا ہے۔ یہ سسٹم ایسا لارج لینگوئج ماڈل (ایل ایل ایم) کو استعمال کرتے ہوئے کرتا ہے۔

رپورٹ کے مطابق یہ سسٹم روبوٹ میں نصب کیمروں سے ڈیٹا لیتا ہے اور اس کو وژوئل لینگوئج ماڈل (وی ایل ایم) میں بھیج دیتا ہے، جو ماحول اور اس میں موجود چیزوں کو سمجھتے ہوئے الفاظ میں بیان کرسکتا ہے۔ اس ڈیٹا کو بعد میں ایل ایل ایم میں بھیج دیا جاتا ہے جو ان الفاظ کو سمجھتا ہے، ممکنہ کاموں کی فہرست بناتا ہے اور پھر یہ فیصلہ کرتا ہے کہ کن کاموں کو انجام دیا جانا چاہیئے۔

تاہم گوگل نے یہ بھی واضح کیا کہ ان روبوٹس کو اپنی روز مرہ زندگی کا حصہ بنانے کے لیے لوگوں کو ضرورت ہوگی کہ اس بات کو یقینی بنائیں کہ یہ روبوٹ محفوظ رویہ اختیار کریں گے۔ اس لیے آٹو آر ٹی میں فیصلہ سازی کرنے والے ایل ایل ایم میں گوگل نے روبوٹ کانسٹیٹیوشن شامل کیا ہے۔

گوگل کے مطابق یہ سیٹ حفاظت پر مبنی یاد دہانیاں ہیں جن کی پاسداری ربوٹس کاموں کا انتخاب کرتے وقت کرتے ہیں۔

یہ پڑھیں : ہیکرز بغیر پاسورڈ کےجی میل اکاؤنٹ تک پہنچ سکتے ہیں:ماہرین نے خبردار کردیا